منتديات السويد الرسمية

منتديات السويد الرسمية (http://www.alsweed.com/vb/index.php)
-   منتدى الشعـر الشعـبي (http://www.alsweed.com/vb/forumdisplay.php?f=11)
-   -   فصل على قدك من الخام ملبسك (http://www.alsweed.com/vb/showthread.php?t=72711)

مشعل التريباني 13-10-2019 02:06

فصل على قدك من الخام ملبسك
 
‏فصل على قدك من الخام ملبسك
ماينفعك ثوبن طويلن تجره

ولاتستشير اللي برايه معاكسك
مامن ورى الراي المعاكس مبره

حجن بدون احرام مايكمل النسك
لوطفت وسط البيت تسعين مره

احذر تصاحب واحدن ماينومسك
اليا التقا الجمعين كره وفره

واليا ضحك ناب الاسد كاد يفرسك
لاتنخدع في ضحكته خاف شره

ولاتبدي اسرارك على من ينافسك
ونفسك على حمل اثقل الشيل ضره

عليك باللي بالشدايد ينومسك
يصبر على الشدات برده وحره

اللي بتقديرك ووزنك يحسسك
مركا الرجوله متكاه ومقره

شجرة وفا منتوجها زاكي المسك
يشبه لنجم اسهيل والا المجره

قدم يمينك له الياجا يخامسك
وعطه العهود الوافيه لاتغره

مشعل عسام الغافل التريباني الشمري في 14/2/1441هجري

ابو مشاري 16-10-2019 10:33

رد: فصل على قدك من الخام ملبسك
 
حجن بدون احرام مايكمل النسك
لوطفت وسط البيت تسعين مره


الله درر صح السانك ابو عبدالرحمن
على هالحكم

مشعل التريباني 06-11-2019 08:32

رد: فصل على قدك من الخام ملبسك
 
صح بدنك اخوي ابومشاري لاهنت


جميع الأوقات بتوقيت GMT +3. الساعة الآن 11:45.
أرشفه ودعم وتطوير استضافة تعاون

Powered by vBulletin® Version 3.8.6
Copyright ©2000 - 2020, vBulletin Solutions, Inc.
جميع المشاركات المكتوبة تعبّر عن وجهة نظر صاحبها ...... ولا تعبّر بأي شكل من الأشكال عن وجهة نظر مـنـتـديات الـسـويــد الرسمية