منتديات السويد الرسمية

منتديات السويد الرسمية (http://www.alsweed.com/vb/index.php)
-   الشاعر // سميحان فهد السويدي (http://www.alsweed.com/vb/forumdisplay.php?f=69)
-   -   صار التنافس بينه طول الاظفار=والشمغ بدل لبسهن بالقبابيع (http://www.alsweed.com/vb/showthread.php?t=9965)

سميحان السويدي 30-06-2007 10:00

صار التنافس بينه طول الاظفار=والشمغ بدل لبسهن بالقبابيع
 
[poem=font="simplified arabic,6,blue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
يقول اللي فكره من الوقت محتار=وقةٍ يمزع بسرة القلب تمزيع
وقةٍ يخلي صاحي الفكر يحتار=والمنتبه ملزوم يشكي مواجيع
المنتبه يشرب منه كاس الامرار=ومن لايطيع الوقت ينهان ويطيع
خيره كثيروشاركن خيره الشرار=واللي دخل ماعاد يلقى مطاليع
كلٍ يعيش بهم من كثر الاكدار= والخيل بالميدان مابه مصاريع
صحيح ظيم الوقت قاسي الياجار=يشراء الكديش وطيب الخيل للبيع
هذا زمانٍ واضحاً فيه الادبار=اكثر شباب اليوم كله مصاديع
كثر الشباب اليوم واناتج اصفار=ودايعٍ بالمجتمع دون توديع
راحت رجالٍ تكرم الضيف والجار=ويوم اللقا لعداه تفعل وبتيع
يافون بالافعال بالموقف الحار= ياصار للافعال واجب وتوزيع
عقب التنافس فوق عجلات الامهار=والمجد في وقت اللقا للمداريع
صار التنافس بينهم طول الاظفار=والشمغ بدل لبسهن بالقبابيع
محدٍ يهمه كلمة العيب والعار=راحت علوم اهل الشرف دون ترجيع
وابو زويد قال في نظم الاشعار=هذا زمانٍ يفجع القلب ويريع
راحوا هل الشيمات وافين الاشبار=اللي لهم بالمجد مبدا وتشريع
امجادهم ياحيف تذكر لنا اذكار=اهل الوفا والطيب وايضا بوتيع
وسنة نبي الخلق كانوا لها انصار=عاشوا على تقوى سريع المفازيع
يرحمهم اللي عالمٍ غيب الاسرار=علام سراً يجهل الخلق ماذيع
احفادهم كهيل وعقولها صغار=كلٍ زرع له زرع ماصار له ريع
دوراً على الاجواد يقصر للاعمار=شبابهم بالسوق تمشي مفاريع
ولوتنصحه يقول موضه للابشار=محدٍ يميزقمة التل والريع
بلوى هل التوحيدتتبع لكفار=من مظهرالتقليد ويش المنافيع
يلبس على صدره كتابات وشعار=لهدم الكرامه فيه مصدر وتوقيع
ماهو خفي مشهود في شوف الانظار=اسم الحضاره ضيع الناس تضييع
وش موجب التقليد للغرب يا اخيار=اصحوا من الغفله بهمه وتسريع
بعد طلوع الشمس ماتفيد الانوار=لو صار للانوار بالحال توليع[
[/poem]

ابو عروبه 01-07-2007 12:06

صح لسانك يابو طراد وتقبل تحياتي

أبو خلف 01-07-2007 12:13

عقب التنافس فوق عجـلات الامهـار (=)والمـجـد فــي وقــت اللـقـا للمـداريـع
صـار التنافـس بينهـم طـول الاظفـار (=)والشـمـغ بـــدل لبـسـهـن بالقبـابـيـع


[font=Tahoma]الرئيس الفخري لمنتدى السويد والشاعر / سميحان السويدي صح لسانك على هذه القصيدة والوصف الجيد لشباب اليوم هداهم الله .[/font]

أبو فيصل 01-07-2007 12:25

الشاعر سميحان السويدي

قصيدهـ رائعه وجــزلــ،،ــهـ صــح لســانــكـ وسلمت يمــنــاكـ واللــهـ يعطيكـ العافيهـ عليهــا وهــ،،ـــي تصف شبــ،،ــاب اليــ،،ــووم ومانقــول إلا الـلـهـ يهداهمـ

ولكـ خالص تحياتي وشكري
أبو فيصل

صوت الشمال 01-07-2007 12:55

ابو طراد انت دائما مبدع وهذا الشعر ماهو شعر الغرانيق 00 الف شكر على هذه الابيات الجميلة والمعبرة والتي فيها الكثير من العبر لمن يعتبر

الإتجاه 01-07-2007 01:38

صح لسانك يابو طراد
قصيدة رائعة تصور واقعنا اليوم

الف شكر

الإتجاه

ابو مشاري 01-07-2007 09:37

يلبـس علـى صـدره كتابـات وشـعـار @@لهـدم الكرامـه فيـه مـصـدر وتوقـيـع

ماهو خفي مشهود في شوف الانظار @@اسم الحضـاره ضيـع النـاس تضييـع


صحيح صحيح صحيح
صح السانك اخي ابو طراد والله كل ماذكرت حاصل وموجود الله يصلح شباب المسلمين
لك تحياتي

بشير السويدي 01-07-2007 12:12

وش موجب التقليد للغـرب يـا اخيـار===اصحـوا مـن الغفلـه بهمـه وتسـريـع
بعـد طلـوع الشمـس ماتفيـد الانــوار===لــو صــار لـلانـوار بالـحـال تـولـيـع


تصوير ولا اروع لحال كثير من الشباب اليوم هداهم الله .

سميحان السويدي

دائماً مميز ومواضيع مميزة .

شمر هلي 02-07-2007 02:12


الرئيس الفخري لمنتدانا/ابوطراد

قلت فأبدعت

يعجز القلم عن الكتابه بعدك

وتقف كلمات التعبير حائره بعد ابداعك

ولا استطيع ان اقول الا اللهم إهدي شبابنا

سميحان السويدي 02-07-2007 08:30

اخي العزيز ابو خلف
شكراً لك على ماتفضلت به الله يعطيك العافيه
واتمنى لك التوفيق الدايم


جميع الأوقات بتوقيت GMT +3. الساعة الآن 01:14.
أرشفه ودعم وتطوير استضافة تعاون

Powered by vBulletin® Version 3.8.6
Copyright ©2000 - 2019, vBulletin Solutions, Inc.
جميع المشاركات المكتوبة تعبّر عن وجهة نظر صاحبها ...... ولا تعبّر بأي شكل من الأشكال عن وجهة نظر مـنـتـديات الـسـويــد الرسمية