البرمن بعد المطر زان جوّه

‏البر من بعد المطر زان جوّه
وقامت فيافي نجد عقب الرقودي

والارض من فيض السحايب تروّه
وتجملة ريضا نها با الو رودي

تزينة وابدت محاسن نموّه
وتعطرت وارخت فليل الجعودي

توه صفا ذعذاع الارياح توّه
وفاحت روايح عشبها بالورودي

وين انت ياللي فيك للبر خوّه
ولم فراشك ياعريب الجدودي

جهز متاع البر والفرش طوّه
نبي الفياض اللي شمال النفودي

نزّل دلالك واشقر الكيف سوّه
في حاجرن فيه النفل له فنودي

في فيضتن من رايح الوبل توّه
سيله من الوابل تعدى الحدودي

نشم ذعذاع الهوى في صفوّه
عقب السحاب اللي يغيث الكبوْدي

سحبن رعوده بالدجى يوم دوّه
يصحي بها اللي غارقن بالرقودي

مشعل عسام الغافل التريباني الشمري في 16/4/144‪ 2هجري

الله يابو عبدالرحمن
صح السانك والله يغيث البلاد والعباد