المساعد الشخصي الرقمي

مشاهدة النسخة كاملة : مشعان بن سحلي في الأمير مقرن بن عبدالعزيز


أبو يزيـــد
11-05-2012, 02:30
في هذا القصيدة المعبّرة .. يجسّد - رحمه الله - ولائه للوطن .. ولوليّ الأمر ..
وهو يخاطب الأمير / مقرن بن عبدالعزيز - حفظه الله - حينما كان أميراً لحائل مسترجعاً ذكريات حرب الوديعة في الجنوب السعودي
حينما كان الامير مقرن قائداً لأحد الأسراب المقاتلة قبل أن تضرب طائرته .. مطالباً سموه في التدخل عاجلاً
لحل قضيةٍ لحقه بها بعض الظلم في شأنٍ من شؤونه الخاصه - رحمه الله -
وقد قال هذه القصيده عام 1404هـ ..

ندعو له بالرحمة والمغفرة بإذن الله
فإلى القصيده :


بديت باللي ينبت الحال والمال = ياضع ويرفع .. ويكتب الفعل بالقول
يامنزلٍ طه و(عم) والانفــال = بيومٍ نصر موسى والاسـلام مقلول
هات القلم واكتب سلامٍ على البال = يم الامير اللي له الهرج منقول
أخبر بنا مقرن ترى الهم ينجال = حرٍ شهر وأدلى على مقدم الجول
مثل البحر يلطم على الطاش بالجال = ياجاه من صفق الزواعيج مشخول
من يوم عبدالمطلب ياخذ المال = من اللي غزا مكه على الفيل وخيول
الجاهل النمرود الطاغي الضال = ياما أودعه ربك كما العصف مأكول
يوم الصحابه زاحو الشرك وانجال = والسيف من دون الحرم كان مسلول
جددتو الدعوه بالافعال والمال = حتى وصل علمه لباريس و .. سيول
السنه الغرا نشرتو لها افعال = ودرب المهالك دونه الباب مقفول
من دون ابو تركي عزيزين وثقال = غيثٍ على المسلم والاشرار مصقول
عبدالعزيز اللي حكم كل ماقال = نوّر صحاري نجد وسهال وتلول
وجاب الفهود اللي عساهم للامهال = لولا الثقه ماصار للراي مفعول
يوم الدخن من فوق الافراد همال = فعلك يثبت يافتى الجود مااقول
بحرب الوديعه ياذرى كل ذلال = علمك بلغ شعب الجزيره على طول
وانت الذي خليت الاسراب تنهال = شجعتنا ياقايد السرب بفعول
من يوم سرت وجيت وانويت بإقبال = رحب جبل حايل وبالشعب مقبول
انقذت حايل من صدى كل دجال = مثل ماينقذ خاشع النبت هملول
انا دخيلك عن خبيثين الاعمال = واللي لعب بأوراقنا صار مجهول
ياخذ من التحقيق تزوير وإهمال = ويسرق كما يسرق من البيت حنشول
سموّكم .. قولي تحطه على البال = ملحوظ رحمه .. وعندك القصر والطول
ماعندنا كود انت ياطيب الفال = وانت الذي بعد الولي صرت مسؤول
أبي اطلبك تسمح بحقك بالإكمال = والخط يازبن الضعيفين مشغول
ببيوتنا ناسٍ مساكين .. واطفال = إرحم .. رحمك الله ترى العمر مكفول
تمت وصلينا على الهادي الدال = على الرسول المصطفى خير مااقول

شعر : مشعان بن سحلي الحمزي ( رحمه الله )

أبو خلف
11-05-2012, 07:44
أبي اطلبك تسمح بحقك بالإكمال = والخط يازبن الضعيفين مشغول
ببيوتنا ناسٍ مساكين .. واطفال = إرحم .. رحمك الله ترى العمر مكفول
انا لله وانا اليه راجعون
حسبنا الله ونعم الوكيل
الله يرحم مشعان بن سحلي السويدي وصح لسانه على هالقصيده وتصويره لحال واقعه
ابوديم
يعطيك العافيه على هالنقل لنا

ابو رايس
11-05-2012, 01:07
رحمه الله ولآهنت عل ايرادها لنا وفقك الله

ذيب سنار
11-05-2012, 04:03
انا دخيلك عن خبيثين الاعمال = واللي لعب بأوراقنا صار مجهول

ياخذ من التحقيق تزوير وإهمال = ويسرق كما يسرق من البيت حنشول
ابو ديم لاهنت
والله يرحم مشعان سحلي وجميع اموات المسلمين

ابوبندر
11-05-2012, 07:18
رحم الله الشاعر ورحم الله أموات المسلمين
ابو ديم
لاهنت

سميحان السويدي
11-05-2012, 09:36
بديت باللي ينبت الحال والمال = ياضع ويرفع .. ويكتب الفعل بالقول
يامنزلٍ طــــــــه و(عم) والانــــــــفــــــــــال = بيومٍ نصر مـــــــــــــــوسى والاســـــــلام مقلول
رحمك الله يامشعان بن سحلي وادخلك فسيح جناته الفردوس الاعلى

الاخ ابو ديم
الله يوفقك كل خير ويرحم والديك

ابو مشاري
11-05-2012, 11:19
بحرب الوديعه ياذرى كل ذلال = علمك بلغ شعب الجزيره على طول
وانت الذي خليت الاسراب تنهال = شجعتنا ياقايد السرب بفعول
من يوم سرت وجيت وانويت بإقبال = رحب جبل حايل وبالشعب مقبول
انقذت حايل من صدى كل دجال = مثل ماينقذ خاشع النبت هملول


رحمك الله يامشعان بن سحلي شاعر جزل المعاني
ابو ديم الله لايهينك على جلب هذي الدرر الرائعه لشاعر مشعان رحمه الله

ابو عزيز
12-05-2012, 01:02
أبو ديم يعطيك العافيه
الله يرحم مشعان ويرحم سحلي

نكتار
12-05-2012, 01:49
الله يرحم مشعان بن سحلي السويدي وصح لسانه

ابوديم

يعطيك العافيه على هالنقل ..

أبو يزيـــد
12-05-2012, 01:53
أبو خلــف _ أبو رايــس _ ذيب سنـــار _ أبو بنـــدر

سميـحان السويدي _ أبو مشــاري _ أبو عزيـز _ القدوريه


منورين الصفحه بتواجدكم معي بهذا المرور المدهش والمميز بردودكم الشيقه

كرم 111
12-05-2012, 03:54
رحمة الله تعالى على ابوحجاج وأسكنه فسيح جناته
ابوديم شاكرومقدر لك

(ابو لافي)
12-05-2012, 06:34
ابوديم عافاك الله على انقل الموفق

ورحم الله قايلها وسكنه الجنه

أبو يزيـــد
12-05-2012, 01:45
كـ111ــرم _ (أبو لافي)

يعطيكم العافيه على الإطلاع على القصيده الرائعه للمرحوم بإذن الله

منورين الصفحه بهذا المرور الكريم

أبو رياض
12-05-2012, 11:53
ابو يزيد


شكراً لك على النقل ..

بارك الله فيك ..

أالمثـــــالــي
13-05-2012, 06:33
رحم الله الشاعر مشعان ابن سحلي

قصيده جزله ومعبره

تقبل تحياتي يابو ديم ومشكور على النقل

أبو يزيـــد
16-05-2012, 02:50
رحم الله الشاعر مشعان ابن سحلي


قصيده جزله ومعبره


تقبل تحياتي يابو ديم ومشكور على النقل


المثالي

أشكرك على تواجدك معنا ومرورك الغالي

محمدالسويدي
02-07-2012, 12:23
صح لسانه والله يرحمه يارب

الله يعافيك على نقل القصيده

حـمـود
02-07-2012, 01:44
رحمة الله عليه

أبو يزيد

ربي يعطيك العافية على نقل القصيدة

أبو يزيـــد
08-07-2012, 12:24
أبو ريــاض _ محمد السويدي _ حمــود

لاهنتم جميعاً على إطلاعكم ومروركم العذب

ورحم الله شاعرنا أبو حجّــاج

ابو فهد
22-08-2012, 10:58
الله يرحم مشعان بن سحلي

أبو يزيـــد
21-10-2012, 03:57
اقتباس:
المشاركة الأصلية كتبت بواسطة ابو فهد http://www.alsweed.com/vb/Hajj-1-anwar-design/images/buttons/viewpost.gif (http://www.alsweed.com/vb/showthread.php?p=566809#post566809)
الله يرحم مشعان بن سحلي




آميــن
ومشكــور على المــرور ...