منتديات السويد الرسمية

منتديات السويد الرسمية (http://www.alsweed.com/vb/index.php)
-   ديوان الشاعر الكبير /مشعل التريباني (http://www.alsweed.com/vb/forumdisplay.php?f=121)
-   -   كم واحدن ياشفت زوله تهولت (http://www.alsweed.com/vb/showthread.php?t=72736)

مشعل التريباني 22-12-2019 10:11

كم واحدن ياشفت زوله تهولت
 
بسم الله الرحمن الرحيم
الشاعر\مشعل عسام التريباني الشمري
((كم واحدٍ ياشفت زوله تهولت))في3\5\1437هـ

كم واحـــدٍ ياشــــــفت زوله تهوّلت(1)تقول هذا اللي يفكـــي الجهامه

واليافتشــــــته داخل الثوب حصلت(2)قفـــــشٍ معبــينه خبال ورخامه

تلقا الخلل فـــي هـــرجـــته ياتاملت(3)مثل اللذي قلّد مســــير الحمامه

لو شــلت حمله مادري وش تحمّلت(4)تقول مفـــروضٍ عليك احترامه

ياللــــي بثوب الكــــبرجيت وتجللت(5)لاتفكّـــرانك نلت عرش الفخامه

رجّحت ميزانك مــــن الكبر واكتلت(6)والكـــــبرميزان الردى والندامه

مهـــو مجمّل منظــــــرك لو تجملت(7)ثوبك ردي نوعه وشـكله وخامه

رفعت نفســـــــــك بالفضا ماتنازلت(8)ولبست من شـمغ الرخامه عمامه

ان قلت انا كحــيلان وان كان ماقلت(9)الرجل يعرف من ســـلوكه مقامه

كانك بكيف النفس ماشـــــي ولازلت(10)نفسك تبــــي تتبع هواه وغرامه

يوم انت لاصحاب المراجل تجاهلت(11)وارخيت للنفس الضعيفة خطامه

والله لتبطـــــي للعــلا مــاتوصــــلت(12)وثوبك تجــــره مع غبار القمامه

ليتك علــى قدك مـــن الخام فصلت(13)ثوب التواضع والتقا والشــــهامه

حتـــى يرحّــب فــيك يامـــنك اقبلت(14)وتصـــيربين الناس مرفوع هامه

ابو مشاري 13-01-2020 02:24

رد: كم واحدن ياشفت زوله تهولت
 
صح لسانك ابو عبدالحمن
ولاهنت ابيات اجمل من الجمله


واسفين على الغلط اللي حصل


جميع الأوقات بتوقيت GMT +3. الساعة الآن 06:42.
أرشفه ودعم وتطوير استضافة تعاون

Powered by vBulletin® Version 3.8.6
Copyright ©2000 - 2021, vBulletin Solutions, Inc.
جميع المشاركات المكتوبة تعبّر عن وجهة نظر صاحبها ...... ولا تعبّر بأي شكل من الأشكال عن وجهة نظر مـنـتـديات الـسـويــد الرسمية